Пеш аз мухлат катъ кардани мониторинги андози

Моддаи 70. Пеш аз муҳлат қатъ кардани мониторинги андозӣ

  1. Мониторинги андозӣ дар ҳолатҳои зерин пеш аз муҳлат қатъ карда мешавад, агар:
    • аз ҷониби андозсупоранда талаботи созишнома дар бораи ҳамкориҳои иттилоотӣ таъмин нагардад ва ё иҷро нагардидани он барои гузаронидани мониторинги андозӣ монеа шуда бошад;
    • маълумоти пешниҳодшуда бо маълумоти расмии дар мақомоти андозӣ мавҷудбуда мутобиқат накунад;
    • андозсупоранда дар ҷараёни гузаронидани мониторинги андозӣ зиёда аз се маротиба ҳуҷҷат (маълумот) ва тавзеҳоти заруриро пешниҳод накунад.
  2. Мақомоти андоз дар давоми даҳ рӯзи пас аз санаи муайян шудани ҳолатҳои дар қисми 1 ҳамин модда пешбинишуда, аммо на дертар аз 1 июни соли баъди даврае, ки барои он мониторинги андозӣ гузаронида мешавад, андозсупорандаро дар бораи пеш аз муҳлат қатъ намудани мониторинги андоз дар шакли хаттӣ, огоҳ менамояд.

Комментарии